Qazaa Ki Goud Mein…

har aam ke liye koi to khaas hotaa hai,

tum khaas ho mere liye khaas bane raho.

****

Jo shakhs fiqr-e-daulat mein uljhaa hua har dam,

use kya padii hai dildaar ke kya kya dard haiN.

****

taab-o-tawaan kahaaN se laauN,

hosh ka saamaan kahaaN se laauN,

har shakhs kyoN banaa dushman,

maiN sakht-jaan kahaaN se laauN.

muahabbat ne kamzor kar diya,

museebat mein saraabor kar diyaa,

har shakhs ban chukaa dushman,

paasbaan-e-khushi kahaanN se laauN,

umeed thee umeed banee raheygi,

‘kayar’ huN hausala kahaaN se laauN.

****

goshah-nasheen hue jab se khaanqaah ki talaash hai,

gunah se door jo rakhey us be-gunah ki talaash hai.

****

Mehrbani ke meri aankhoN mein paani rahney diya,

warnaa apne aap ko insaan kaise kah paataa maiN.

****

roti kamaaney nikla subah waapas aake ghar me na ghus paaya,

tabhi kisi ne kaan me kahaa is shahar mein ghareeb ab nahi basatey!

****

pardey mein rukhsaar hai haal-e-dil na chhupaa sakey ,

berukhee se baat-cheet lekin hameN na bhulaa sakey.

****

jab chaley toh ik lakeer jigar se lahu ki tapkaai,

ke jab lautanaa chaheyN toh gumraah na ho jaayeN .

****

Jab tak na barsaat ho pyaas sataati hai,

baad mein paani lagta hai museebat sa.

****

achchaa hua ke raaz-e-dil faash hua unke aagey,

warna ham bina kahey so jaatey qazaa ki goud mein.

****

nazaroN se pilaai hameyN madhosh kar diya,

phir kyoN sulaaney chaliiN kaantoN ki sej par.

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s