NakhroN Se Zaalim Ke…

jo dil mera hota merey qaaboo meiN,
toH kyuN kabzey meiN hota us qaatil key,
aaNkh kyuN barasti bahati nadiya kyuN,
kyuN mutassir hota nakhroN se zaalim key.

****

dil to ghar hota hai dard ka,
khubsuurati se kya taaluk uska.

****

roz unki khuubsuurati meiN ijaafaa hai,
toH kyuN na sitam roz roz naye naye hoN.

****

hawa paani zameeN aasmaaN aur chaand suraj,
kiskey nahiiN havishmandoN bataao tu sahii.

****

ruutthey tu haiN aap par itna toH jaaniney,
jee bhar ke dil hamaaraa hi uchhaliyega,

****

dekhaneygey wahi khwaab jismey razaa uski,
kuchh maaNgna na paDDeyga purey wo kareyga.

****

hamto udaas uskey dar sey chaley they,
kya maaluum tha koi meri qabr se yuuN jaayega.

****

ab toH yaaroN sochata huuN mitti se jaa mil hi luuN,
man meiN hai mitti meri is mitti meiN ja miley ik din.

****

aaNsuoN ko piina hoga samjhana hoga tabeer khwaboN ki,
khwab ban jaayeN asaliyat toH bhi dekha hai rotey hamney.

****

hamko haadisa toH ye pesh aaya ke qatl bhi hue
ye kasam pahale khayii khud qabr tak jaayeNgey.

****

dil apna ismey daaliye ke aaNchal pasaara hai
sambhaal ke rakheNgey samet aaNchal meiN lengey.

****

Girey ko utthaayeN nahiiN na girtey ko sambhaaleyN sabko giraatey haiN ye log,
pet bhar khaakey phir khatey haiN phir gareeb ke muNh ka kaur chabaatey haiN ye log,
aap jaantey haoNgey zaroor jaanatey hoNgey aakhir haiN kaun kaun ye log,
ye haiN neta ye haiN baaboo ye haiN saahukaar maaldaar baDDey haiN ye log.

****

chingari se muraad kuchh aur hai paani meiN aag lagaayegi,
aaNkhoN se barseyNgey aag ke sholey ye kisko na jhulsayegi.

‘kayar’