They Hamsafar Kabhi…

zara aa ke dekho yeh shahar hai ek hazaaroN meiN,
jaanogey zara raho toH is shahar-e-jigarwaloN meiN

****

HoNgey aur bhi chaman-O’-aashiyaaN khoobsurat baDDey,
hamaarey kis kaam ke haiN jahaaN ham tum nahiiN basey.

****

maluum hai bakhoobi ke pyaley meiN zahar hai,
dekhiye ham phir bhi bashauq pii rahey haiN.

****

bujh chalaa ik chiraag tab ham samjhey,
koi jalata rahaa rahey roshani meiN ham.

****

dard e dil nichoDD likhey sher aalaa se aalaatar,
ke saraaheyN aap bhi dil se ziadaa se ziaadatar.

****

nazar andaaz nahiiN ham to nazar saaf karey haiN,
jab tujhapey paDDeygi jhaaNk andar talak leyNgey.

****

zindagi ka saath jab haNs haNs diya hamney,
zindagi ney bhi dey diya jo chahaa hamney.

****

jo ho liye they saath mere khilwaarh kii khaatir,
kya baat kareyN unki ke hotey they hamsafar kabhi.

****

khud ko itna halka banaa liya teri khaatir,
titliyoN sa urhiye saath urheyNgey ham bhi.

****

bachchoN ke liye rakha hai kabhi kheleyNgey,
kaheNgey baap bhi isi sey kheley they kabhi.

****

mehrbaan samjho yaad ko meri ke jo,
tere paas mere na aaney pe aati hai

****

lafzoN ke aasarey haal-e-dil na bataaiye,
lafz kahaaN chup rahkey bataaya karey haiN

****

Wajood Shishe Ka Ho To Pathron Se Mohabbat Nahi Karte..
Ehsaas-E-Chahat Na Mile To Wajood Bikhar Jaya Karte haiN

****

jo bas usi ki yaad hai tasawwur meiN bhi ek wo,
samet bikhari muhabbat ko qadamOn meiN pheNk do.

****

baazu se kahaan qatl ab qatil karey hai,
ishaarey haiN kaafi waar-e-qatl ke liye.

****

Zindagi to bas leyn deyn jaanati hai,
jo saNwaaro use tabhi saNwaarati hai.

****

baazaar-e-nafrat meiN ley tokaraa-e-muhabaat baithey,
lutney ka andesha hai yahaaN sey phir bhagnaa hoga.

****

paighaam nazar ka aur zubaaN ka yuN alag alag hai,
ke zubaaN paaband lafjoN ki nazar aazaad hoti hai.

****

tujhey ham dekh paatey ‘gar nazar tikii hotii,
nazar raazi nahiiN hui kahti hai ke mushkil hai.

****

gairoN pe bharosa hai wo apnoN se na hoNgey,
kuchh aisey miley gair deyN maaNge se pahale.

****

chalaaye teer hamdard ne kaha bach ke rahiyo,
ham soch meiN paDDey ke nishaanaa zigar kyoN

****

dil pe naaz mujhey us roz ho gayaa,
jaaN gayee dil taddhapataa hi rahaa

****

sabney kahaa achchha mujhey meiN chup ho rahaa,
kaisey dil toDData sabkey go thaa bahut buraa.

****

tamaashaa-e-duniya dekh dekh hamney sochaa,
kaash kirdaar hamaara bhi kuchh aham hota.

****

jabsey hamney iraadey badaley haiN,
tabsey wo qareeb aaney lagey haiN .

****

Kitney haiN bad-naseeb ham ke aab-o-hawa bhi bigarh gayii,
gangajal aachman layak na bacha himaala shudh pawan ke liye.

****

Unkey haath meiN hai karam kareyN sitam kareyN,
unki niyat hi meraa naseeb ab na koi gurez hai.

****

UDDaan uNchii sabko naseeb nahiiN hoti,
tumheyN ho gayii hogii hameyN nahiiN hoti

****

dauddh dhuup aaj kii zindagi bhi thak gayii,
haath joDD maaNg nijaat maaNg ab insaaN sey

****

ye ilm agar hota ke kya cheez muabbat hai,
paagal na hue hotey haasil hameyN bhi hai.

****

nahiiN jaantey hogey kya dil chipaaye baithey ho,
ik basti dil e khasta kii wahaan basney lagi hogi.

****

pyaar karkey bhi bewafaa qaraar hamko diya,
ye pyaar kiya ya pyaar meiN inkaar kar diya.

****

khush rahaney ki wajah dey khuda aur maangeyN zaroorat kya hai,
jo ilm ho bhi jaaye peshtar marney ke to harz kya fikr kya hai.

****

ek shay ko jo dekha toH qaraar aayaa,
phir be-qaraari ka daur zordaar aayaa.

****

wo pyaar kya hai jo patthar dil pighala na sakey,
ye koi len den nahiiN hai koi tijaarat nahiiN hai.

****

ajabi bananaa asaaN hai judaa honaa kuchh mushkil,
jo hue judaa ajnabi ban kar rona bhi dushwar hoga.

****

bad-naseebi ke aaheyN na suniiN jab karahaa wo azeez,
wahii phir ban gayiiN cheekkheyN uskey marney ke baad.

****

hua mehrbaan sab par aur namoodaaar hua,
kisi ko masarrat hui kisi ko bukhaar hua.

****

mila tha zism pe raaj dil ko pal bhar ka,
diya usney basaa rom rom meiN naam teraa.

****

dartaa huuN aabaadiyoN se is qadr yuuN,
khiltey phool bhi toDD liye jaatey haiN.

****

Gagan bhari dhool char aayiiN gaiyaaN,
dana chug needhh laut aayiiN chiraiaaN,
Taakat dagar thakiiN brij ki lugaiyaaN,
kahaaN rah gayo sakhi mero kanhaiyaaN.

‘kayar’

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s