KaheyN Kya Unko…

yaad maa kii aa rahii thii ke karti thii kaisa dulaar hamsey
jhankata tha chaand khirhkii se chandani ne thapak sula diya,
jee na tha ke kholeyN aaNkh tapish ney suraj kii utthaa diya,
jaisey abbaa kah rahey hoN ke kya buraa kiyaa jo utthaa diya.

****

zamaaney ki kahtey haiN kuchh naii kahtey haiN,
miitthii nahiiN kahtey kharii kahtey haiN,
khushmizaaj they kabhi ab ghamgiin rahtey haiN,
zurm aaj saarey barhey sangeen rahtey haiN.

****

had se ziyaada sar charhaa liya unko,
bepanaah banaa liyaa khud ko,
hamaarii har baat gairwaajib ho gaii,
gunaah khud ka kaheyN kya unko.

****

jaanchtey they subh-o-shaam khud ko kya haiN,
pataa chalaa ke kuchh nahiiN khwaamkhwaah haiN.

****

khushi allah ki taraf se sabko kamo-o-besh dii jaatii hai,
maza ye ke apni nahiiN sambhalii dusarey kii jallatii Hai.

****

ek hi sanam hai aashiqui ke liye,
hoN shakleyN hazaar uski to bhi kya!

****

eitbaar koi mausamii ho nahiiN saktaa,
wada faramosh ko kauN itna samajhaaye.

****

khwaab martey kya haiN wo toH,
dil meiN dafn azaab haotey haiN,
wo baddhey masoom se dil fareb,
ya dil chasp behisaab hotey haiN.

****

chalo ik muhaaida kareyN aap pareshaaN hoN ham kaam aayeN,
ham pareshaan hoN aap kaam aayeyN gar dono hoN pareeshaaN,
ik duusarey ke kaam aayeyN aur ‘gar dona nahiiN pareshaan,
phir itnaa to kareyN ke pareeshaaniyoN ka baais ban jaayeN.

****

baat baat pe kah detey ho ke koi baat nahiiN,
baat pyaar ki ho toH bhi kya koi baat nahiiN.

‘kayar’

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s