Dey Jaan Dikhaao…

baDDa achcha hai wo nishaan-e-qabr mita deyN,
roteyN haiN aa aa ke is tarah ke mit hi jaayega.

****

naukari na sahii ishq meiN bandish zaroor hai,
ibaadat bhi karogey aur imtihaaN bhi dogey.

****

muhabbat ka silaa deNgey kuchh kar ke dikhaao,
sar ko jukaao,ashqoN ko bahaao dey jaaN dikhaao.

****

achchaa ho ke hamsey koi ishq na karey,
jiya bhi na karey aur maraa bhi na karey.

****

Kaash aam aadmii itna aam na hota,
bhola nahiiN itna pareshaan na hota!

****

kahtey haiN umeed pe hai duniya qaayam,
na-umeed nahiiN huuN mar kyuN rahaa huuN.

****

kitna bhi muskuraao ham jaan letey haiN,
kitna hai dard bheetar baahar khush kitney.

****

mar mar jee raheyN haiN maut baat kya baDDi,
marna toH hai aasaaN jiye kitney yuuN hoNgey.

****

kaghaz kii kashtii sii har umeed hamaari,
jab jab hui waqt ke paanii ne bahaa dii.

****

dil ka safinaa liye mazhdhaar pahuNchey,
kyuN duubey nahiiN tumheyN maluum hai kya.

****

ik dasht meiN jiyeN ik masti meiN jiyeN,
basti e maqaabir meiN jeena khaak hai jeena.

‘kayar’

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s