Maya Mili Na Ram…

aapne jab chaaha mere dil ko tthokar maar di,
rahmat-e-khuda dekhiye dil de ke bheja mom ka.

****

Mukhtalif mere dost they mukhtalif they sawaal,
mukhtalif si harqateyN mukhtlif se unke vabaal,
khairiyat maiN kya manaauN ho gaya khasta haal,
kabhi kinaara kaatata tha kabhi naye naye zaal.

****

Intihaaii dard hai koi na lipta seeney se mere,
ghafil kyoN haiN sab ke sab gham piine se mere.

****

Khat itne bheje meiney ke pahaarh ban gaya hogaa,
ab toH waqt bhi kaafi hua jawaab ban gaya hogaa .

****

kitnoN ka yehi rona hai ke umr nikal gayii,
yuN hi khatm hui ibtida-e-ishq nahiiN huii.

****

dil meiN junoon-e-ishq ho zehn meiN dahshat-e-anjaam,
barh-barh ke aagey laut laut aaye maayaa miley na Ram.

****

daulat ke dam se barhey ho gaye,
hansi tabbasum vagairah kho gaye,
dil se barhe hotey to baat thii,
kuchh nahiiN khota zulam ho gaye.

****

raat din apni gumshudagii talaashney ke raat din,
do lafz tasalli binaa tarhapaney ke raat din,
dartey hue se so jaayeN sotey sotey utth jaayeN,
bhoolengey na kabhi woH dahshat ke raat din.

‘kayar’

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s