Muraad Teri Puuri Hogi… #Shairi #Sheroshukhan

hamney zakhm ginatey they,
hazaar se upar nikalatey they,
puraney bhar nahiiN paaye,
taazey roz b roz lagatey they.

****

sabr rakho Allah ka qaul hai kuchh mujhpey chhorho,
har raat ki har subh jaisey muraad terii puuri hogi.

****

ham toH aaraam sey ho gaye, dil de diya gham rakh liye,
dil ki tarhap wo samjheyN ,gham sab ke sab chakh liye.

****

gham ajeez haiN hamko wo kuchh ruktey toH haiN,
kushi ke lamhey to phookoN se bhi dartey haiN.

****

kaash kuchh waqfa hota zindagi o maut ke darmyaaN,
kuchh aur ro liye hotey kuchh aur haNs liye hotey.

****

itna katthin safar hai aur samandar hai pyaar kaa,
naa duubey kashti toH bhi kya hamko tu duubna hoga.

****

bair chaand se kar ke sitaarey kartey to kya kartey,
maamala chaand ka ho tu sitaarey bebas hi hotey haiN.

****

jaan de kisi ko bhi deyN ya jo maNgey usey de deyN,
mushqil ye hai ke dey ke jaan ham ilzaam kisey deyN.

****

qayamat hoti jo na wadaa hota,hoti jo na aayey hotey,
qayamat kya na hoti jo aaye hotey,hoti agar rah gaye hotey,
qayamat yuuN bhi hui hoti aur yuuN bhi hui zaroor hoti,
kya hota jo waqt aa gayaa hota ya waqt pey aa gayey hotey.

****

abhi shuruaat hi toH hai in naazneenoN ka kya tthikaana,
kehr ddhaayeNgey baakii hai abhi sharmana phir itthalaana.

****

jee meiN aataa hai uddheluuN pyaar holi pey,
ghol rang daaluuN pyaar hamjholi pey,
nakharey uthaye haiN mainey abhi tak piyaarey,
aaj haNs ley hammarey saath holi pey.

****

hai pyaara hameyN jo zakhm dey kar jaata hai,
na bhuulatey usey haiN na wo bhuul pataa hai.

****

gorii terii kismat kuuN devataa hu tarseyN haiN,
to pey aiso reejheyN rang kesariya barseyN haiN

****

tthagey sey rahey khaDDey o’zamaana badal gayaa,
ham na badal paaye kabhi tthikaana badal gayaa.

****

dil pe cho’t khaii ho aah shair ban ke nikalti hai,
ghayal ko hi hota hai maaluum kya kya guzarati hai.

****

hamiiN ko hi khuda dil kyuN aisa diya,
kabhi na sunaney diya na bolaney diya.

****

rahnumaai jo qaum ki aaj kar rahey haiN aalim haiN,
par unkey upar baitthaney waley baDDey zaalim haiN.

****

neta ko tane mat maaro ab shayaad mauqa aakhiri ho,
ho sakta hai kal wahi ley ke katoraa bhikhaari ho.

****

aaye nahiiN abhi tak hawa badal gayi fizaa badal gayi,
hai iltijaah unsey hamaari ye taqleef ab na hi kareyN.

****

shab e siyaah ko gaye chhat pe mahtaab dekhney,
kamaal ki hogi nazar aur jigar bhi kamaal ka.

****

Aaj holi hai chaand chaudhawiiN ka hai,
urhao abeer O’ gulaal itna uchhaal ke,
Chaand meiN lag jaayeN chaar chaand,
har rang meiN raNgeyN gaal gulaal sey.

****

dard e dil ka ilaaz kar key hakiim haar gaye,
kushtasazi kaam na aayi dawaayeN kaam na aaiiN,
gaye dargah pe darwaazey pe peeroN faqeeroN ke,
maaNgi dua yahaaN wahaaN duayeN kaam na aayiiN.

****

kuchh din aur maaNg kyoN na muhlat lii jayey,
tareekh e muqadamey ki baat hai umr ki nahiiN.

****

chaley aaye luutney tasdiiq bhi kii nahiiN,
lut chuka sab kuchh pichhali muhabbat meiN.

****

barbaad hona chaahtey they khuubsuurti ke saath,
pakarhii raahey e ishq isi khushfahamii ke saath.

****

haathi ki peetth pe charh jaata hai aadmi,
ghoDDoN ko toDD kar daurhata hai admi,
panchhi to bas panchhi haiN par kaat kaat,
palatuu kyoN unheyN banataa hai aadmi.

****

girebaan hai bedaag zaroor daaman nahiiN hai,
poNchhey aaNsu kisi ke koi gunah nahiin hai.

****

paley haiN seeney meiN pataa nahiiN marz kitney
na jaaney kaisey utareNgey puraaney karz itney.

****

ek baar kar manzur muhabbat merii chain se mar jaauNga,
itna samajh tirii haaN ke baad saaNs bhi na ley paauNga.

****
shukr merey sayyaad ka ke aaraam se huN,
nahiiN toH phir wahii dard batoraa hota.

****

gali ka ek kutta hai tandurust mast aur bhaunkata hai,
meiN beemaar udaas rota huuN insaan kamjor kyuN hota hai.

****

shab e siyaah se daraa baittha huN raat chandani nahiiN aati,
thakaa taaroN se puuchh puuchh baat unheyN samajh nahiN aati.

****

daulat e dard ko rakha sambhal ke muhabbat ki ieiwaz meiN,
le ke ghumatey haiN ab koi maut bhi nahiN deta ise le kar.

****

fasaana dil ka hai toH aap khud kyoN kahiye,
zabaan se kyoN dil sey kah daalney ko kahiye.

****

ham umr ki naqdi kharch kartey thak chukey,
le lijiye aap isey shayad kaamki aapki hai,
udhaar ki har cheez se kar chukey ham tauba,
jab tak hammari kaam aaye na aap bhi lijiye

****

kya kahiye unheyN jo insaaniyat ko bhuul jaatey haiN,
istehsaal ki kamaai kar key naamaaqool khaatey haiN.

****
bayaan e safaai kyuN dijiye janaab, sab to nazar ke saamney hua hai,
muhabbat na kii na kijiye janaab, khush rahiye hamaari yehi dua hai.

****

kai zindagi ka tajurbaa hai ziadaa aie raqeeb,
par baazi terey haath hi meiN kyuN rahii hai ,
kya mehboob hamiiN ko maartey jilaatey haiN,
kya tera ghuroor tuutey ye intzaam nahiiN hai.

‘kayar’

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s