Muhabbat Surkhroo Hi Rahegi…#shiri #urdupoetry

kabhi na nikaltey ret ki tarah haath se,
jo na aapney mutthii puuri band ki hoti.

****

wo to baDDey yaad aatey haiN,
par pataa ham bhool gaye.

****

zehr bhi ‘gar piitey rahiye aadat ban jaati hai,
milte rahiyo hamse tum lagney achchey lageyNgey.

****

gham piitey ja rahey haiN,
tamasha phir bhi ban rahey hain.

****

jo phaaNs lagi hai dil meiN nikal na paayegi,
jab talak nahiiN nikalii yaad terii aayegii.

****

thak chuka huuN pyaar baantey baantey,
jholi bhari hui phir bhi hai pyaar sey.

****

sazaa naam ki kya hameyN giriftaar kijiye,
kuchh din paas rakhiye phir phaaNsii diijiye.

****

ilzaam lagta hai jaldbaazi meiN lagaaya hai,
dost abhi kahaa nahiiN paraayaa banaaya hai.

****

meri aah ik deewar ban ke khaDDi hogi,
tuufaan na kuchh tera bigaarhh sakega.

****

soch to ye hai ik dil meiN do hoN,
ho tumhara ya ho mera ham dono hoN.

****

butt baney baittheyN haiN ke tum aao jaaN aaye,
na jaaney wo ghadhhii mubaaraq aaye ke na aaye.

****

shyam rang se rangaa huuN duuja na charhega,
yehi rang karo gahra to inaayat ho mujhpey.

****

kyuN zindagi apni munassir kijiye milney na milney pe merey,
khud talaashta huuN koi jee bhar miley or rukhsat ho jaauuN.

****

laakh hamsey bacheyN ya laakh hamko bhool jaayeN,
jo waqt achcha kataa thaa saath saath rahey they.

****

sharmaaiye nahiiN lag galey jaaiye,
ulfat ke naam pe itna to paas aaiye.

****

muhabbat ki ik nazar pe jo waar jaaye,
us ke saamney kya koi aur charcha chalaaye,
behtar ke unsey karey ishq ka ijhhaar,
aur unki har baat kyuN na khud maan jaaye.

****

jis sahar ki tamanna meiN guzaariiN hazaar shaameyN,
sahar aayii tu dekhiye wo saathi rahey na ham pyaarey.

****

mijaaz se aazaad huuN par zism kii baat deegar hai,
tauba karo ghar kya merey tassawuraat qaid karegaa.

****

gazal meiN na sahii shair me ye zikr kartey haiN,
khuuN se siiNchii hai muhabbat surkhroo hi rehegii.

****

lamha e wasl ke baad qurbat kya aur hijr kya,
kaun bachegaa kahne ko ke maiN huuN abhi .

‘kayar’
09/04/2013

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s