RasmeyN Bhi Sikha Denaa… #shairi #urdupoetry

chehra na chhupaa sakega jo dil meiN chal rahaa hai,
bhale aadmii ko ye khel ye hunar aataa hi kahaaN hai.

paani meiN na utareNgey to tairanaa seekheNgey kaisey,
muhabbat kaisey kartey haiN aur rasmeyN bhi sikha dena.

kuchh aisa kar guzreyN ke zammaney paltey raheyN,
aur tum yaad aatey raho ham tumharey baney raheyN.

dil tapega mera sone sa nikhar jayega,
yuuN dil ko jalaanaa hoga,
phir kyoN na sone meiN suhaagaa hoga,
mera tumko nazaraanaa hoga.

aap kijiye muhabbat ruuttheyN wo toH manaaye koi aur,
ye wo masal hui ke qazaa aaye kisi ki mar jaaye koi aur.

khushrooh ye zamaana terey dam se lagta hai,
kabhi ham pe bhi paDDey nazar e inaayat terii.

jo dil meiN jagah mili hai baDDey aaraam se huuN,
khuda aapke dil ko aur merey aaram ko dey barqat.

ham koi banda nawaz nahiiN tum koi khana kharaab nahiiN,
baitth leNgey ek hi naav meiN ‘gar koi aitraaz nahiiN.

paheli bujhaa rahey ho khud aankheyN chura rahey ho,
shikwaa kiyaa hai hamsey khud lutf utthaa rahey ho.

maiN cheez tha kuchh aur par badnaam ho gayaa,
kahtey haiN ab log mujhey kyoN insaaN ho gayaa.


waadey pe terey huuN zinda par chaley na aanaa tum,
pahle gham ke maarey they aagey khushi na maar dey.

birkharney na deNgey tumheyN kabhi,
failaa ke daaman samet leNgey,
chot khaney ko ham haiN toH sahii,
tumpey aaNch na aaney dengey,
tum shamaa ho roshani bakhera karo,
ham charoN taraf phera deNdey,
wadaa hai tumsey ke jaaney se pahle,
jaaN apni tujhpey waar deNgey.

ya rab kisi janam meiN unhey aashiq hameyN maashooq kariyo,
tabhi to jaaneyNgey wo ke jeeytey toH they ham par kaisey.

chhup chhup ke dekha kiya ab yaad bhi kartey ho,
niiNd jab nahiiN aati ilzaam ham pe dhartey ho.

‘kayar’
26/05/2013

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s