muNh chhupaa ke roye…

kya hua kartey they aur kis shakl meiN aaye ho,
ruup kitney haiN badalney kyoN hameyN bharmaaye ho,
koi gunaah nahiiN jo maaf karney laayak nahiiN,
tum tumhi rahtey to kya tha laut ke ghar aaye ho.

khyaal terey dil ka ho sher kah jaata hun maiN,
rone se pahle kisi ke bilakh bilakh jaata huN meiN.

jis zamiiN pe janmii urdu wo hai sarzameen e hindostaaN,
aaj bhii pal rahii hai wahiiN aur jee rahii hai urdu zubaaN.

kahney ko kah diya ke jeena hameyN nahiiN hai muhaal,
jeeney jeeney meiN kuchh fark hai ye to suniye sawaal.

aaj ke nadir baDDey pahuNchey hue baDDey shatir hua kartey haiN,
khanzjar nahiiN hota khuuN nahiiN hota phir bhi log martey haiN.

fasaana likhtey likhtey ik umr maiNey guzaar di,
ek naam likha ik wark pe aur puura puura kah diya.

jisko ley ke hue paida khuloos kya kahiye,
urdu to hamaari shakhsiyat ki pahchaan hai.

faqat ek aarzu ley key ham haiN baitthey hue,
wo bhi ki jo tarq to zinda ham raheyN kaisey.

zulmat ko saabit karna mushqil itna hua nahiiN hai,
zaalim tujhey dekha hai murdey pe laat dhartey hue.

ham toH har roz aagaaz e baghawat kiya kartey haiN,
akhbaar use kuchh aur banaa chhaap diya kartey haiN.

aadat sii paddi hai muskuraatey bhi haiN,
pareshaani kabhi kabhi utthaatey bhi haiN.

apney hotey hue ye nahiiN honey deNgey,
waar koi karega toH aap ke aagey hoNgey.

ye duniya bhool bhulaiyaaN hai ismeiN sab kho jaatey haiN,
jo kabhi baney deewaaney they begaaney sey ho jaatey haiN.

chhoDD gaye ab puuchho kya kaisi ham pe beetii hai,
jo apney ho key duur gaye jaaney kaisi preetii hai.

arsey talak muNh chhupa ke roye,
wajah kya batatey kisi ko binaa bataye roye,
unkey mohalley meiN jaakey roye,
jo wafadaar unke they saath hamarey roye.

un aaNkhoN ki masti meiN mirii hasti duub gayii,
go ke kinaarey lagii aur phir kashti duub gayii.

ibaadat aur muhabbat ko bas ek karna hai,
sajdey meiN sar jhukaa qadam choomna hai.

saiNkadoN khushi milengi hazaaroN gham ke baad,
ghamoN ko delet karna hai khushi retweet karna.

‘kayar’

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s