Zamaanaa Khushi NahiiN Detaa…

ab aa gaye haiN aap tu na taqalluf dikhaaiye,
kuchh hamaari puuNchhiye kuchh apni bataaiye,
is din ki umeed meiN ham jeetey chaley gaye,
hamdard jo badey they aapkey kuchh unki sunaaiye.

wafa ke sikkey to aksar khota paaye hamney,
aitbaar ki mohereyN bhi saari lutaa chukey haiN!

ghar to kachcha tha magar baarish ki dua maaNgi,
bhookhey niiNd nahiiN aati sar pe chhat ho ke na ho.

muhabbat bharey dil ko aisi sazaa na do,
baDDi mushkil ye sabak usney yaad kiya hai.

khali hai jaam mera koi bhar deta to achcha the,
mezbaaN hua saaki kahaan fursat ke bhar deta!

dil pe wazan tha jee gham pii pii ke baith gayaa,
khushi ke jhoNkey aaye upar se nikal nikal gaye.

masarrat toH apni khud ki fitrat hai,
wo baat aur hai zamaana khushi nahiiN deta.

jo hasiiN khwaab bhar dekhaney ka man hotaa,
kyoN terey dar pe hamney navaaya apna sar hotaa.

hamaarey daam lagaa ke wo thug nikal gayaa,
zara der rukta to ham use khareed laaye hotey.

kahaaN kuchh dena hai hamaari khushi ki khaatir,
bas muskuraiye aur jab haNsiye toH khilkhilaaiye.

waqt sabhi kuchh bhulaa degaa bhala bhi bura bhi,
kar key muhabbat dekhiye lamhey tthahar jaayeNgey.

bahut ro liye ho poNchh aansoo daalo,
jisne rulaaya tha ab khud bhi rota hoga.

khwaaboN meiN raatoN ko aaney bhar se kya hoga,
kahaani ‘gar khwaaboN meiN hoti puuri to bulaatey.

dil agar mehmaan ko mahaz musafir samajh legaa,
usko bataa denaa koi baDDi mushkil meiN paDDega.

jin ke dil ko nahiiN hai chain na koi haath thaamey hue,
‘gar aaraam mil jaaye tijarat meiN manzur hai khasaara.

Kabhi aisi muhabbat ka charcha nahiiN hota,
kabhi aisi muhabbat ka parda nahiin hota,
Kabhi parda na ho toH baddi ruswai hoti hai,
kabhi ruswaai na ho toh charcha nahiiN hota.

kyuN na andaaz e fakiiraanaa jhukaa dey nazar e shahaanaa,
ik jholi meiN jo aaya baaNtaa dujey ka sametaney ka iraadaa.

har cheez milii jo tumsey pyaari lagi hameyN,
gham ho ya khushi ho ya wadaa ho ya badnaami.

pasaliyoN ke pinjarhey meiN dil,
hai dil ke qafas meiN kuchh aur,
kisi ko rihaaii kisi se chahiye,
kisi ko beddhiyoN ki jakaDD aur.

baDDi koshish ki patthar ke diloN se,
apna dil patthar sa banaa ke takraayeN,
muhabbat ka mulamma aisa chaddhaa tha,
chaaheyN toH bhi ye kar nahiiN paayeN.

teer wo lafzoN ne pesh kiye aapkey saamney,
jo na jaaney kab se jigar meiN paibast they.

samajhey ke muhabbat meiN dam hai aapki,
par is qadr muhabbat jawaab kahaaN hai.

yeqeeN apne matlab se kiya to kya yaqeeN kiya,
yaqeen is baat pe karo ke sab ke kaam aaogey.

chaand ‘EID’ ke haiN aap deed ke ham bhi haiN bhookey,
aap jab bhi nazar aaiyega ham sajdey meiN khaDDey hoNgey.

wah morr ham toH bhool gaye, jis par aap they chhuut gaye,
dil se pukaariye zoroN se, pal bhar meiN hazir hoNgey ham.

jab auroN ke dard ko utaaraa seeney meiN apna samajh,
tab jaakey yuuN hua ke khud apna bhi dard kam honey lagaa!

jo ilm bhi daulat de ke tamaashoN meiN ulajha deta,
phir ilm kahaaN bach pataa maiN jaahil hi banaa rehta!

na khelo dil ko itna uchhaal ke,
ban jaaye maanind pitii ball ke.

mutfarriq apne kaam saarey kar ke baittha huuN,
ab ban ke dastaanaa tera bachii umr guzaarani hai!.

gunaah ba-lazzat kyoN na baar baar kijiye,
nahiiN ek hi rang ka har rang ka mazaa lijiye.

‘kayar’
04/05/2013

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s