Do Bol Meetthey Bol Do…#shairi #urdupoetry

aawaragi ko apni zara lagaam do,
rukh ko apne merii jaanib moDD lo,
jee mera ghabra raha hai aaj raat,
kaan meiN do bol meetthey bol do.

na royeN meri aaNkheyN suurat koi aisii banaa do,
dil ko maiNey kah diya hai jo tum kaho maan ley.

gila hoga to kya tumko ghair bhi banaanaa hoga,
apnoN se nahiiN shikva kya ghair se karna hoga.

hasratoN se kahaa hamne chalii jaao,
qabr meiN itni jagah kahaaN hogi,
ham tau so rahey hoNgey lambi niiNd,
phir tumahari kisey parwaah hogi.

tumne na dard ki na zakhmoN ki shiqaayat ki kabhi,
mohabat hai hameyN ahsaas kyoN na phir ho jaayega.

saath chalana hai tau chaliye zaroor,
zakhmi ham bhi haiN na dikheyN to kya.

jab bharat ki dharti pe videshi urvarak daaley ,
beimaanoN ki kharpatpaar ne khet tabaah kar diye .

dost haiN hazaar tanha har shaks phir bhi,
duniadaari ne kya kya na barbaad kar diya.

miley jo gham raah e ishq meiN ham beenatey chaley,
chaloge is raastey kabhi tum na ye darpesh aayeNgey.

kis kambakhat ne khareedii mohabat jisko kahtey haiN,
magar gale ye aan paDDi jab toH phenkii nahiiN gayii.

baDDey hathiyaar rakhatey ho jaaney kab waar kar baittho,
nazar yuuN rakhii hai tum par ke khaali na chalaa jaaye.

aiye raqeeboN kalaai unki na pakarhana kamjor baDDi hai,
holey sey paas kheeNch lenaa aur kalejey se lagaa lenaa.

dhoka saaNseyN zaroor deti jo jeetey apney buutey pe,
duayeN teri rakhey haiN zinda dokhaa insey kyuN hoga.

khaali sa bartan they bhar liya tery yaadoN sey,
koi khaali nahiiN kahta ab jee bhar ke jeetey haiN.

jis khel meiN haar jaayeN to bhi jeet hoti hai,
toH phir daaNv pe apna sab kucch kyoN na lagaaiye.

ham ho gaye bemaani jinkey liye ,
unki manmaani ka phir kya kahiye.

aap sotey they meri tasweer ko lagaa siney se,
maiN aayaa aur mayos dabey paaNv chalaa gayaa.

deewaaney kyuN hosh meiN aatey nahiiN haiN,
lagta hai koi phir begaana ho gaya.

maaNgi dua rab se tum jeetey rahiyo,
tujhey dekh kar aakhir jeetey ham bhi toH haiN.

sambhalney ko kah diya go haath meiN hai merey,
dikhta nahiiN hijaab wo giraaye hue haiN.

zaroor le jaatey qaid mein apni na kuchh kijiye to bhi,
mushkil ye hai ke wahaan bas umr qaid waley jaatey hain.

tum toH gaye qadam uttha ke manzil talak,
wo kya karey jis ke manzil sar pe aa girii.

dil ka ilaaz kijiye ke #jigar ko sambhaliye,
#ishq ke bukhaar ne beemaar na kis ko kiya.

achcha hua ke kucch na hua unke dekhey se hamaari jaanib,
paDDi unki nazar jis taraf hue tabaah unginat` bechaarey.

ham meiN wo kahaaN khuubiyaaN hameyN kahaaN haasil huqooq,
ke jab chaaha hue khafaa dil baitthey kisi ka tu baitthey.

khuda ko jo rahnuma maan karey safar koi,
patthar ki raaheyN bhi phooloN ki baneNgi

jin ki khaatir sajdey meiN ham dar se khuda ke hatey nahiiN, yaqeenan khuda majboor hoga unheyN mahfooz rakhaney ke liye.

jiske gham ham peeney ko baitthey hoN,
jis pe se nazar hamari hatati nahiiN,
usko kuchh ho iskey pahle aiy khuda,
merey haq ke saarey sabaab usko de dey.

hamney ye jaan liya muhabbat karney ke baad ,
zindagi ka safar paidaaish se shuru nahi hota.

jo sab kuchh luuta ke aayaa ho,
kya daaman tak ko haq nahi doge,
jisne khud ko bichhaya qadamoN me,
usey aaNsu poNcchaney nahi doge.

dil ki kabhi qadr na ki, qafn posh zism se shikaayateyN kyuN.

apki mehfil meiN jo guftgoo hogi,
kal wahi shahr me charcha e aam hogi,
guzarish ke meri janib jo dekhiye,
hijab me rukhsar ko chhupa ke dekhiye

bataaney raaz chaley they kaleja halaq ko aaney lagaa,
likhaney lagey toH aaNkhoN pe aansuoN ka parda chhaya.

zamaaney ka dar na dar hai waqt ke nikal jaaney ka,
ham kartey haiN intezaar terey ghar chaley aaney ka.

laal syaahii ki buNdeyN roz aaNkhoN se tapakti haiN,
kaagaz pe waqt ke naqsh e dil banaati chalati haiN.

shah jahaaN e dil banaa gaddi nasiiN kiya,
kya khoob farmaan pehla isey luut liya jaaye.

saudagari ke pher meiN sab kuchh gawaaN diya,
na dil rahaa paas man ka sab chain uDDaa diya,
kisi ki meharbaani ki nazar ke waastey hamney,
sab peshgii diya phir kyuN dar pe bitthaa diya.

wo manzar khwaab meiN dekha pyaar ka,
jo shayad tumne bhi rachaa ik baar tha,
jaane kahaaN wo saari baateyN gayiiN,
na jaane kaisa intezaar o’ aitbaar tha

ham to baha ke ashqoN ko ibaarateyN likha kartey hain,
haal e dil dard e jigar hamsey chhipaaya nahiin jaata.

‘kayar’
16/05/13

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s