Qatra e Mohabat To Chahiye… #shairi #urdupoetry

khud hi ko nahiiN sambhalaa jaata hamsey, kisi aur ko apna banaayeN toH kaisey. – allah ko apna maan kii sifaarish hamaari, chaliye ye bhi qubool hua ehsaan aapka ham pe. – do ghaz jagah na sahii jeetey jee haasil hameyN, ye maaluum hai marney ke baad bakhushi deNge log. – yaadoN meiN rakhiye ya khwaab samajhiye, bas har haal meiN hamko apna hi samjhiye. – rotey yuuN nahiiN ke koi bhool gayaa hameyN, fikr hai kahiiN asar yaad-daasht pe to nahiiN. – ye sift hai ham meiN ke gairoN ko apna kar leyN, magar uske bhi dil meiN ik qatra  muhabbat to ho. – sheeshey ka dil tha toota aur chhutkara milaa kisi ko, mujhey dekhiye dil patthar hai toofaan rukatey nahiiN. – ganeemat hai sitam aapney kiye hamney utthaaye, hotey ‘gar aap aashiq aapsey na utthaaye jaatey. – khaak ko mat khaak samjhiye tez hawaaoN ke saath, uuNchii urhhaan bharati hai gir sar pe jaati hai. – patthar pe nishaaN chot ke hotey haiN, wo to patthar ki lakeer se hotey haiN, wo zakhm bhartey hi kabhi kahaaN haiN, wo toH zindagi bhar ke liye hotey haiN. – hadisey jo honey haiN waqt muqarrar hai jagah muqarrar, hoNgey wahiiN jis waqt jahaaN hona hai ho jaisa muqaddar. – hamsey dukhi ‘gar duniya meiN hamesha raheNgey, kya ham aisi duniya ki salaamati ki dua kareyN. – jinke iraadey haiN ke jalaaney ke taapney ke, wohi haiN zimmedaar bujhaney ke paani daalney ke! – murjhaaye dil ko dil e bagh bagh bataa rakkhaa hai, ujhddhey hue chaman ko sabzbaagh dikha rakkhaa hai. – iraadaa ye zaroor hai ke tumko zakhm deyN, na sahii talwaar sey teer e nazar sey sahii. – dil ko rakho zinda bhabhakati aag rahney do, kii hai muhabbat toh jaltii mashaal rahney do. – taqdeer meiN tarhapana tha teri hasrat dil meiN aayi, magar sazaa itni sakht ho ye baat samajh nahiiN aayii. – bepanaah pyaar kartey they aaj panaah chaahiye, dushwaar hai ye kaam baDDa yuuN pyaar na kariye. – musaasafiri chhorh ke hamto khaDDey raahoN meiN terii they, tum bedard itney ban gaye ke bachatey bachaatey nikal gaye. – wafaa na karni thii na kartey janaab, mugaaltey meiN toH rakhtey janaab, ishq pahley bhi chhupa ke baithe they, kya harz tha jo yehi kartey janaab. – dushman haiN to saamney aayeN pusht pe waar kyoN, dostoN ko toH ye haq hamney khud hi ataa kiya hai. – jang e ishq jeetey toH lutf e mohabat uthaaiye, aur nahiiN to faarig e zahmat e ishq ho jaaiye. – tahoN meiN chuppi hui mittii bhi meri Maa hai, khaney ko sabhi saamaan kiya usney muhaiya hai. – kisko hai pyaar ziaada koi kaisey jaaney, dono kah rahey haiN beintihaai pyaar hai. – dard hota hai kya ham ne ye jaana bhi na hotaa, tere rukhsaar ki shikan ne ‘gar pareshaaN na kiya hota!. – jaam bhara haath liye merey tuu saamney rahaa, nazaroN se kyuN phir itni pilaa dii ke so gaya. – sarhad se jaayeN banddh toh behaal hi toH lauteNgey, na jaaney kis kambkaht ne sarhadeyN khaDDi kii haiN. – sabaq paddhana muhabbat ke koi baDDi baat nahiiN, bas itna ke khud ko apney dil ke hawaaley kijiye. – hamney samjhaa judaai wo to wakhti baat hai, jis ko dil meiN sameta ik din aa hi jaayegaa. – baateyN tu dilkash aapki haiN, chup hamko rahney diijiye, jab aapki ham sun leyNgey phir, ham bhi kuchh kah paayeNgey. – aazmaaney ki tamanna hai toH phir kyoN na aazmaaiye, kharey utareyN toH ttheek warna har sazaa manzuur hai. – roti aaNkhoN ney kya na kah diya, shikwa ab kya kijiye kya na kijiye. – jo aapkey khyaal maiN baney rah gaye, hasti bhi mit jaaye gham kya hameyN iska. – jazbaat jab kaboo se baahar chaley jaaeyN, kaisey koi dastuur nibha paayega saarey. – jo itna zulm ddhaaya toH kaisey guzeregi, kamjor sa dil ley key ham paida hue haiN. – numaaya na hogi muhabbat to panpegi kaisey, saayoN meiN gulshan kahiiN dekhey haiN kya. – baDDi jaan saaNsat meiN hai gareeb kii, ik baar toH kah daaliye ke muhabbat hai. – yuun toH maaluum hai sab kuchh, sun ke magar achcha lagtaa hai. – baDDi kaam aati haiN ye bechainiyaaN , kuchh aur khilwaarhh ko jab nahiiN hota. – jo meri bewafaii terey shairoN ko wazan dey, toH ye kaam ham baDda nek samajhatey haiN. – aaj ki haqiqat kal khwaab sa lagegi, fark bas aaj ka aur kal bhar ka hai. – adhoorey rahtey hain khwaab isiliye toH kahtey haiN, jo puurey hua kartey to haqiqat ke baraabar kahtey sab. – chaar din guzaar ke dekhiye toH zindagi ke, kisi ke aanan fanan kisi ke bamushkil katatey haiN. – itna mayuus honey ki zaroorat kya hai, zindagi sahii waqt pe bewafaa hoti hai. – maanaa ke wafaadaari mushkil hua karti hai, kharhey hoN saamney nibhaayeN toH harz kya. – kamsini kahti hai ke zara tham ke qadam utthaiye, duniya ko samjhaney ke liye kuchh waqt chahiye. – muhabbat kabhi karna nahiiN, ho jaaye toH ho jaaney do, khatara koi mol lena nahiiN, sar paDD jaaye baat aur hai. – maaNgi dua zaroor ke ab na milana ho kabhi, aiy khuda nadaan huuN maaNga na dijo kabhi. – udaasi is sabab bani rahati hai chaltey samay, ke rulaya bahutoN ko aaNsoo kisi ke na poNchhey. – gham e duniya hamney bhuula diye, yaad tujhey rakhaney ki khatir, ab kuchh bhi yaad nahiiN rahta hai, yaad teri rahati hai mutwatir. – bewafaa logoN se miltaa rahaa raahoN meiN, mujhey unkey bagair chain ab nahiiN aataa. – sirf puuchhaa tha ke wafaa hoti kya hai, aap kyuN safaai deney ko aamaadaa hue. ‘kayar’ 21/04/2013

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s