Bhag Jaatey hain Log…#shairi #urdupoetry

afsaaney wo puraney jab yaad aatey haiN,
baDDey azab azab dil meiN khayaal aatey haiN,
kabhi haNs letey haiN khilkhilaatey haiN,
dard bhuuley hue ashqoN ki barsaat laatey haiN.

sukooN ne phir ishq ko dii daawat,
ab dono hamii ko pareshaan karey haiN,
jab aisii himaaqat ki hai hamney,
honey do wahi jo merey Ram karey haiN.

kachchey dhaagey se baNdhey chaley aatey they,
aaj janzeeroN ko torh ke bhag jaatey haiN log!

gham ka chaadar orhh kar ye raat guzaari jaayegi,
subh dekheyNgey zindagii kya aur sitam ddhaayegi.

jo dil ko apne maiNey samandar na banaaya hota,
aaNkhoN se bahati nadiya ko kahaaN giraaya hota.

aap bhool jaayeN muskuraatey hue tu kya,
ham bhi isey apni hi kamjori maan leyN.

bojha uttaney ko ham kab haazir nahiiN they,
aapko raham dikhaaney ki zaroorat kyuN paDDi.

aisa kya hua ke charchey honey lagey hamaarey,
ham to maamuuli haiN insaan nahiiN maaney jaate.

khush kismat hai ye shahr jisney ruswaai di hameyN,
ik roz kahaa jaayega kabhi ham bhi rahatey they yahaaN.

ilzaam lag rahey haiN lagta hai urm ke saath,
muhabbat meiN hamaari wo damdaari nahiiN rahii.

itni daulat mil gayi ishq kartey hi ke saath ,
gham ki badi rakam hai deney ko ab mere paas.

mujhey maaluun hai ke ye tees kyuN utthati hai,
‘gar tumko na dard hota hameyN ye ahsaas na hota.

sab kuchh lutaa ke bhi hosh aa jaaye,
kyuN buraa is saudey ko kahaa jaaaye.

nishaaney pe itni der se khaDDa huuN terey ,
chhalani seeney ke paar na jaayeN teer kaisey.

dikhaawa kah ke muhabbat ko mirii ruswa kiya hai,
har pal har chhin teri raah mainey taaka kiya hai.

taqat barhhaani hai toh aazmatey rahna hoga akhaarhey meiN,
isiliye aazamaatey haiN na peechhey rah jaao zamaaney meiN.

‘kayar’

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s