Zahmet HameyN Dijiye… #shair #urdupoetry

baat aayii samajh meiN baat sachchi bhi hai,
dil kisii ka bhi na tuutey baat achchi bhi hai.

jisney hameiN bheja hai is duniya meiN,
umeedeyN apni saari wabastaa karo usi sey,
us sey kisi ka gham dekha nahiiN jaata,
usey kya parhez hamsey tum sey ya kisi sey

dil khush hai kyuN baat kya hui,
shaad toH ye kabhi rahta na tha,
paighaam ye aayaa jaanib se unki
ke niqaab unhoNney jalaa diyaa.

maana ke muhabbat dobaar nahiiN hoti,
ik baar to purii karleyN apni kkhatir.

parda rukhsaar se utthaa unke aur hameyN samajh na aayaa, kalejaa saMbhaleyN dil thameyN ya jigar ki kareyN parwaah,
dekha shauq e deedaar rakhaney waloN ko ik nazar muDD ke, kisi bhi shauqeen ke havaas khud hamsey achchey na miley.

qadam barhaaye raah e ishq pe hamne,
har jagah ghayal jaan O tan paDDey they,

pyaar ki manzil ke aaney se pahle hi,
darney lagey kya hoga ‘gar yaar na miley!

itna udaas honey ki baat nahiiN kuchh bhi,
na paas aaye aap toH zahmat hameyN dijiye.

dil milaa hai toH gham dhhoney hi paDDeNgey,
tauheen kariye aap ham shukriya kaheNgey.

zakhm hamsey chhupaaye nahiiN jaatey, tumsey milaa wahi sila hai jeeney ka.

jo bojh itna ham utthaa saktey hotey,
kya na ghar baitthey shayar hue hotey.

waadaa toH karo ik baar umeed meiN jee luuN,
marney ke sabab saikaDDoN pass rakhey huuN.


baisakhi unko milti hai jo chal nahiiN saktey,
muhabbat unko milti hai jo ruk nahiiN saktey.

gaye they bas ek nazar dekhaney ko,
ley ke hasrat lautey ke dekhatey raheyN,
khuda ataa karey aaNkheyN aisii,
palak tak na jhapkaney ki koshish kareyN.

‘kayar’
21/05/2013

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s