Kaunsi khataa kartey haiN…


maaNgii duaayeN aur unsey mulaqaat ho gayi,
ab dar hai kuchh unko namuafik na guzar jaaye!

dil ke paas koi naap taul nahiiN hoti hai,
wo toH bas ghaibi ishaaroN ko pakarhataa hai,
usey kya maaluum zehn meiN jo chalta hai,
yuuN safar zindagaani ka bamushkil nikalta hai.

suna hai meri aankh mein paani nahiN bachaa,
itnaa ro liyaa huuN ke saanii nahiN bachaa.

kyoN na ghamoN ke bojh se dab ke mar jaauN,
kha kha ke roz roz thak sa gaya huuN maiN!

juda hoN aur muskuraaeyN ye hai mushkil bahut merey liye,
gale lag do aansoo bahaayeN rukhsat ho jaayeN to manzur hai.

bewaqoof haiN jo bachaa kartey haiN,
aashiq aisi kaunsi khata kartey haiN

aazaad to dil se hamesha rahtey aaye,
ho sakta hai kal beDDiyaaN khul jaayeN.

mauj o samandar koi dushman nahiin kahlaayeNgey,
gharoNda samait hameyN ghar apne ‘gar ley ke jaayega!

din guzar gayaa raat aayii hai,tum se takra ke roshani nahiiN aayi,
hawa ka rukh bhi umhari jaanib hai,hameyN raat bhar niiNd nahiiN aayi!

din guzaar diya hamney sotey sotey,
raat guzaarani hogi rotey rotey,
muhabbat ka fanda na galey dalaa hotaa,
haay achcha hota unke na hue hotey!

kyuN koi paas nahiiN aataa mere, jab ke maiN kabhi kisi se duur nahiiN huuN,
mujhey tum shayad jantey na hogey, chunki ab tak itna mashhoor nahiiN huuN.

panghat ki dagar baDDi hotii thi katthin, dagar hui aasaaN magar paani na rahaa,
premiyoN ko koi rokta bhi to kyuN rokta, pyraar ka yahaaN ab wo maani na rahaa!

Ganeemat hai sitam aapney kiye hamney utthaaye,
hotey jo aap aashiq aapsey na utthaaye jaatey!

Sahajata tyaag dii sabhyata apna kar,
Gangajal pii liya somras banaa kar!

fakeeroN ko kya fikr lagii jo jhoNpaDDi me aag,
par duniya hamesha rahegi haazir taapney ko haath.

ab lahoo kahaaN ragoN meiN bas paani hai,
sab ke sab andhey raja ki aaNkh kaani hai!

Jo kuchh bhi aur kartey haiN baraayenaam kartey haiN,
muhabbat raat din isi meiN subah sey shaam kartey haiN
ik umr guzaar dii hamney ravaayat qayam magar rakhii,
dekh jo hamaari lagan ab to wo bhi salaam kartey haiN!

Ahalya roti thi bahut ban patthar si gayi, mili jab Ram ki pag-dhuri nijaat mil hi gayi.

gale baanh nahiiN bhai gale paDDana seekha tha,aaye tum jo saamney saarey huner jaatey rahey.

Ghar pe aaiye mehmaaN banaa leNgey,jo dil meiN aaiye toH jaaN banaa leNgey, kab sey bula raheyN haiN wo ghaDDi kab aayegii,…..koi laziz rishta apne darmyaaN banaa leNgey

Kahiye agar aks hai to tera hai sab meiN,
wajood agar kahiye to tere dam se hai

hosala rakhiye jee key dikhaaiye bas ye kaam rah gaya,
lutf ho na ho jeena hoga aisa kuchh shaitaan kah gyaa!

dekhey se khumaar ho jaaye har shay se pyaar ho jaaye,
ahmak baney deewaana deewaana kahey kya cheez pilaa dii!

pyaada kahiye ya kahiye wazir usko,
qaabil e ishq hai wo jo jaaN de dey.

‘kayar’
13/06/2013

Advertisements

3 thoughts on “Kaunsi khataa kartey haiN…

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s