na tera dar yaad hai na makaan yaad hai…

hamne khaaii thi kasam ilzaam saarey ham lengey,
lagta hai wo zulm aashiqoN pe ab kartey hi nahiiN!

sukooN ka ik khazaana zameeNdoz hai har dil meiN,
koi baittheyga jo purtasally kar bhi legaa talaash uski.

kaantoN ki sej pe bichaarey gulab sotey haiN,
tum kyoN unkey saamney wasl ke manzar sajaao.

luft utthaaiye mazey se jab ke wo baDDa pachhtayega,
ke dard diya us shay ko jisey chain ka mazaa ayegaa!

iraadey bane raheyN hoN sharaarateyN na bhi kariye to kya,
jab waqt mauzuuN aa jaayega kya na hoNgi khud ba khud kya.

kya zamaana aa gayaa na jalata ho dil to bhi jalaatey haiN,
ho chuka ho raakh jal ke to jaakar kahiiN chhupaatey haiN.

badda achcha hai ye toH dono ik saath sambhal jaayeNgey,
tum hameyN jis gharhii bhoolo ham tumhyN bhool jaayeNgey.

ghar ke baahar hameyN dhuuNdho to mileNgey kaise,
dil meiN terey chhuppey baitthey haiN kabsey ham.

kisney kahaa hai ke jal jaaogey gham ki aatish meiN,
nijaat na miley jis gham sey wo to baDDey kaam ka hai.

jinheyN ye pataa bhi nahiiN hai kauN kya hai,
tayyari magar puuri laDDwaaney ki rakhey haiN!

rajdhaaniyoN meiN baDDey chor bastey haiN,
kisi ki na bhi ho izaazat par bastey haiN,
sikkey wahaaN ab mehnat ki kamaai ke nahi,
haraam ki kamaai ke hi bas chaltey haiN!

rukhsat to kiya tuuney par teri bebasi yaad hai,
na ab tera dar yaad hai na tera makaan yaad hai.

hawa ke jhoNkey se tum aaye bujh gayii shamaayeN,
phailii hai har taraf roshni ye maajraa kya hai!

zabaan yuuN hi nahiiN meetthee ho jaati,
pahle muabbat ki chashni meiN pagati hai!

Jai Shyam Sunder Niraley, Merey Mohan Murli Waley,
bhav saagar meiN duuba jaauN tuuhi mujhey nikaaley!

‘kayar’

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s