yuuN to is duniya meiN sab khatm honey ke kiye hai…

koi vaadaa to kijiye sarkaar merey,
maaluum hai hamiiN ko nibhaanaa hogaa.

husn waloN se ye sulook achha nahiiN hota,
kariye ishq na mazaaq unse achhaa nahiiN hota.

khuraaq e ishq piitey rahiye,
umr bhi shaayad daraaz ho jaaye!

Jab jab dil jalaa aankh se aansoo dhharkey,
ye kaisa rishtaa hai hastii ke do pahaluoN meiN.

sard hoTon pe jaa ke tikatey haiN kabhi laboN ki garmi se pighaltey haiN jaam,
ugtey suraj ke saath chamakatey haiN dhaltey din ke saath khanaktey haiN jaam!

aalam e bekhudi jo chhaa jaaye, kya se kya na hota jaaye!

gazloN meiN jo kah daalaa khud ko bhi maaloom na tha,
jabsey jaana itna kuchh bekali jaatii nahiiN!

Haath meiN qalam aur nazar sab taraf rakhatey haiN,
Go ke apne se ziada duniya ki fikar rakhatey haiN!

bas ek baar liya naam wo chhaap apni lagaa gaye,
dil se asar jaata nahiiN baat adhuuri sunaa gaye!

zakhm khaa liye beshumaar raah e munhabbat meiN,
kismat na ley gayi kabhi unki qurbat meiN,
zikr karta huuN to sab hanstey haiN duniyawaley,
kahtey haiN kami rahi gayi teri mannat meiN!


ki hamney himaaqat jo wafa ki jee kaDDaa kar key,
berukhi apney orhii qusoor mera hai kah kar key!

jitnoN ko lagaayaa seeney se,
ik jaan nichhaawar kartey aaye!

ghodoN ke sawaar kai baar paidal bhi chaltey haiN,
khuda ki rahmat kabhi boht der se numaaaya hoti hai!

tumney na daaliiN beDDiyaaN pairoN meiN merey lekin,
phir bhi tumharey dar se ye duur ley jaatey nahiiN!

lagtaa hai #muhabbat tumney kabhi kii nahiiN hogi,
warna sawaal itney hamsey nahiiN khud se kiye hotey!

khata hamsey bhi hui ye ehsaas na kara paaye unko,
ke muhabbat to wo bhi kartey haiN albatta sahmey hue!

apna sa dard kaiyoN ko tha unsey hamney kah diya,
unka bhi kuchh kam hua aur mera bhi kuchh kam hua!

but-parsti khud-parasti fark kahiiN koi nahiiN,
shiddat se kuchh bhi karke dekho khuda parast ho jaaogey!

but-parsti khud-parasti fark kahiiN koi nahiiN,
shiddat se kuchh karke dekho khuda parast ho jaaogey!

dekh lo auqaat meri phir dil meiN khud aa jaana tum,
apna baDDappan dekh yuuN bach ke nikal na jaana tum!

maiN jab bhi likhuuN haal e dil tera naam likhaa jataa hai, phir tere naam ke aagey tera naam likhtaa chalaa jaataa hai.

aaiye to sahii kijiye shiqaayat jitni ho tabiiyat, hamney samajh liya ke ye sab ba-taur muhabbat hua karta hai.

Itna to kar bharosaa apne pe aur mujhpey,ke jab jab mileNgey zindagi laut laut aayegi.

apne dil ki mazaar se utthhuuN to talaashuuN mazaar kisi aur ki, kahaaN armaaN bhi itne bemaut mar ke dafn hue hoNgey.

koi jaaN se jaaye aur tab aaye qaraar tumko,kauN tum talak aaye khud ko na zibah kar luuN.

wo to maalik sabka hai khaas mera hai ik aur , wo baksh dey jaaN jo chaahuuN inka hai usool aur.

saaNs meri chalati hai tab tak to rahogey, zinda bhi aur panapatey bhi rahogey.

na roiye jo na pyar kare koi,karie khub pyar jo kare koi,dekha dukh kisi ka to aNkh apni bhigoi,hans liye jo pyar se dekhey koi

tum ko khud sey judaa kahaaN samjhatey haiN, yuuN karkey tumko yaad kartey haiN khud ko samajhatey haiN.

naa pataa mehboob ka tha na raastoN ka tha ilm, na tha aitbaar kisi hamsafar pe manzil phir bhi mil gayii!

faasla mitaaney chaley ham khud mit gaye, faasla darasl thaa hi nahiiN!

neeNd aati jaaN jaati nahiiN,mil ke kheltey dil se gaiNd ki tarah.

kuchh duur aur chaley aaiye, manzil bDDi der se inzaar meiN hai.

sitam tum pe kya khud pe kartey haiN, isko bhi na muhobat samjhiye to kya hogi.

ham barhhaayeN qadam ya unke barhhatey aayeN, dil ka dharhhakana kam ho tu baat aage barhhaayeN.

gareebaaN jo phat gaya tha tera ‘gar siiN liya hota,
taish meiN yuuN hamney daaman phir na jhataka hota.

raaz toH ye ke kuchh raaz nahiiN hai, kiso pataa nahiiN ke dil shaad nahiiN hai!

unka nazareyN churaana na gaya, hamaara churaaa nazreyN dekhna na gaya.

raaz aise kahiiN chhuptey kahaaN haiN, aapne bataaya zaroo pataa hameiN tha!

pyaar ko lafzoN ki chaadar pe sazaaney waloN, ye to samajho pahley ye to ik ehsaas hai!

jo bas usi ki yaad hai tasawur meiN bhi ek wo,
samet bikhari muhabbat ko qadamoN meiN daal do.

tamanna milaney ki ‘gar tasawur meiN toH mil lo ,
khawboN ka bharosa kya jaaney kis se milaa deyN.

dil ko deyN ilzaam kyuN dena galat hai,
dil ko khuda ne dimaag diya kidhar hai.

jee bhar ke pii sharaab jee bhar jee lo yaaroN,
ye zindagi hai kis liye ye jee ke jaan lo yaaroN.

arey itna tu mat roiye ke aansoo hi na bacheyn,
yuuN to duniya meiN sab khatm hone ke liye hai.

‘kayar’

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s