har khata gunaah nahi hoti…

tthaan liya hai kareNge iktarafa mohabbat,
jeena marna bhi hameyN hoga wafa ki khaatir,
bas khwaaboN meiN aatey rahiyega jab tab,
sitam karna toH jii bhar ke sazaa ki khaatir.

ye darkhwast hai tumsey kabhi na chhorh paayeNgey,
kabhi tum sazaa dena kabhi ham khud ko rulaayeNgey.

saarii sazaayeN manzoor bina pairavi binaa appeal,
bas iltizaa itni hai meri ke muhabbat karney denaa.

aaj ham sey hui mushkil kal khud sey kya na hogi,
roz dil tthukaraya yuuN sazaa pyaarey kya na hogi.

sazaa naam ki kya dijiye hameyN giriftaar kijiye,
kuchh din to paas rakhiye phir phaaNsii bhi diijiye.

muhabbat bharey dil ko kabhi sazaa na do,
baDDi mushkil se ye sabak usney yaad kiya hai.

kahte ho bewafa duniye tumheyN kya matlab is se,
bataayeN kya teri kasauti pe kyuN khare nahi utrey,
khamosh rahuuN zapt karuuN wo toH ttheek hai,
kamzarf huuN zara aap bhi sazaa katthin toH dijiye!

har khata gunaah nahiiN hoti har saza saza nahiiN hoti,
ham tumsey milney kahaaN paatey gar uski razaa nahiin hoti!

sazaa ki talab ley ke aaya aur munsif tumheyN banaaya,
phir bhi sazaa nahi dii shayad gunaah nazar nahi aaya!

taalaab suukh jaaye kabhi toH kya phir baarish nahi hogi,
ghamoN ki maar se aaj marey to kya kal zindgi nahi hogi.

hamney jo kii taubaa unhoney toH kii nahiiN,
wo phooltey phalatey gaye be-samar hue hamiiN!

roti kapda aur makaan se sab aagey barhh gaye,
topi utar gayii sar se godi meiN laptop chharhh gaye.

apne gham pe sab rote haiN par mujhe haNsi kyoN aayii,
gham jisney mujhey diye wo roye tab baat samajh mein aayii.

ham to baha ke ashqoN ko ibaarateyN likha kartey hain,
haal e dil dard e jigar hamsey chhipaaya nahiin jaata.

maaNgi dua rab se hamney ke tum jeetey rahiyo,
aakhir tumheyN dekh key hi to ham jeetey haiN!

deewaaney kyuN hosh meiN aaye nahi ab tak,
lagta hai koi phir sey begaana ho gaya hai!

aap soye they meri tasweer ko siney se lagaye,
maiN aayaa aur mayos dabey paaNv chalaa gayaa.

ham hue bemaani usi sangdil ke liye,
jisko manmaani ka muqammal ikhtiyaar diya,
chain apna gaNwaaya kya na tohfey diye,
utthaaye nakharey phir saaraa sansaar diya!

ye khel aise hai ke haareyN to jeet hai,
phir daaNv pe pyaar meiN kyuN na sab kuchh lagaaiye,
phooloN sa khilkhilaaiye khushboo bakheriye,
jab jeetaney ki baari aaye khud ko bakhushi haraaiye!

aiye raqeeboN kalaai unki na pakarhana kamjor baDDi hai,
holey sey paas kheeNch lenaa aur kalejey se lagaa lenaa.

achcha hai ulfat hoti hai phir nahiin hoti,
warna toH qaid meiN ye bhi shumaar hoti.

dil tujhe dena toH hai par baDDa ajab mizaaj hai iska,
mera ho ke tujhe talaashey hai tera kar duuN toH mujhe talaashegaa!

jazba e #muhabbat to paida idhar hua,
par unko udhar itna aitraaz kyoN hua!

andherey se dosti kaisi haalaaN ke dusham mera ujaala hai,
ye kambakht to uskey aatey ke saath bhaag duur jaata hai.

jitni bhi pee utni phir aur pee tere jaaney baad,
mehrbaaN teri nazar ka sa na suroor hua na sukuuN mila!

teri bandagi hoti rahey ,
to sazaa e zindagi bhi manzuur hai!

mohabat bhi ki aur talaash ik tthikaaney ki bhi karney lagey,
shauk e parwaaz meiN bhool gaye #dil meiN kya kya nahi hota!

ley ke dil baitthey haiN zamiiN pe kab se ham,
parwaaz kar laut aaiye is pe bhi nazar parhh jaayegi!

kyoN na ho jaayegaa tumharaa jisey dil se chaahtey ho tum,
kuchh kar ke dikhaao dil ka sa uskey jisey chaahtey ho tum!

jo kuchh nahiiN lagtey hoN phir bhi sab kuchh lagtey haiN,
wo rukh bhi agar palat leyN toH bhi pyaarey lagtey haiN,
kis ko kaheyN kis ko nahiiN haal e deewaangi khul kar apna,
wo toH agar na paas hoN apne toH bhi aas paas lagtey haiN.

‘kayar’

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s