kisi din dil o jaaN to kaha hota…

beemaar e ishq ke ilaaz ko tabeeb gaye they,
aa gaye haiN laut ke khud karaahatey hue.

ninda ham kar saktey nahiiN maan kijiye ya apmaan,
haaN kuchh hitkaari mantraNNa dey deNgey apna maan!

dua karta huN raah ka teri har patthar phool ban jaaye,
har morh ho jaaye aasaaN aur mausam maaqool ban jaaye.

Khul gaya yeh raaz un aankhon ke ashq-e-naaz se Kaifiyat-e-husn ko gham se juda samjha tha main. #BehzadLakhnavi #shair

zubaaN meri larajati hai kuchh kahaney se pahle,
zammaney ne aaj ke is qadar khauf-zadaa kar diya!

Bezabaani par koi laillah koi meri daad de, Kuch nahi kehta aur munh mein zabaan rakhta hoon main. #behzadlakhnavi #shair

hamney dil apna khud torhaa ke tum aazaad raho,
kambakht maanta hi na tha tumheyN qaid kiye tha.

ghuroor hi qbr banega aur dafnaayega bhi,
jinhoney ishq kiya hoga ghuroor ke saath.

kisko paDDi hai ke mitaaney chaley jaaye azaab e ishq,
baDDi khidmat se palta hai baDDi mushkil se talta hai!

Tuney deewana banaya tou main deewana bana,
Ab mujhe hosh ki duniya mein tamasha na bana!

duniya fatkaarati rahti hai mujhe ke maiN hosh me nahiiN rahta,
laut aayaa huuN teri mehfil me mere hosh mujhe waapas kar de.

aasmaaN se kahna na roye ke maiN ik sitaaraa tha,
dharti pe kirdaar nibha ke laut wahiiN jaauNgaa!

pyaada kahiye ya kahiye wazir usko,
qaabil e ishq wahi hai jo jaan pe kheley!

tum aaye they chaley gaye dil saath meraa ley gaye,
ab hamko bulaaya hai to phir jaan leney ka iraada hoga.

Sajaaney sawaarney se makaaN ghar nahiN banaa kartey,
Jab tak rahney waloN ke diloN ko bhi na buhaaraa jaaye.

aaNkho ke kale gherey bataa rahey haiN,
ke rotey guzarii hogi hizr ki kaali raat.

kaash shaam e avadh shaam e avadh rahii hotii,
zindagi hamko bhi zindagi si mil gayii hotii,
na ab wo shaameyN haiN avadh meiN na wo log haiN,
zindagagi khoobsuurat si kaisey rah gayii hotii!

ghar toot gaye kitney makaanoN ki qataar hai,
dil se dil miltey nahiiN har dil meiN daraar hai!

‘kayar’
31/05/2013

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s