kya duniya se leynaa-deynaa hai…

mainey kaha aa jaauNga batao meri ujrat kya hai,
tareri aankheyN boley bhaag teri zaroorat kya hai.
(ujrat=mehnatana)

usool hai tera to hoga ke bas kaam se kaam rahey,
ham to jeetey haiN ke kisi aur meiN jaan rahey.

itni takaaluf saath tera choroN se vyohaar hai,
waah mere hukmaraaN tera dil kitna udaar hai,
ya isliye hai khaas khayal namuraad bandoN ka ke,
jis naav pe wo sawaar usi petuu bhi sawaar hai.

agar khush nahiiN to dil mujhey waapas kar do,
kaam aa gaya ho to koi baat nahiin!

ja ke dekhi duniya chaaroN taraf badi bemurravat paayi,
karey phir shayer kya rahey kahaaN shairi aur ishq kahaaN!

gar zamaanaa ye bura hai to ismeiN na haath mera hai,
na mainey bissat e duniya bichhaai na chaaleyN sikhaaiiN!

hue tanhaa lekin wo dil se nikle hi nahiiN,
faisley ham se apne khud phir hue hi nahiiN!

saamney wo raheyN hoNgey tab bhi pahchaana na hoga,
taswwur meiN shaayad chehra bahut sundar dikha hoga.

kai baar kaafiley tuufaanoN meiN atakatey bikhar jaate haiN,
par jo kaafiley manzile e khaas ko jaayeN pahuNch jaate haiN.

jo aalam e bekhudi ho piiney ki himaaqat kyoN,
jisey dekh ye aalam hua uski nahiiN ibaadat kyoN.

jaaN nikaley to jaayeN uskey paas phir laut aayeN zamaaney meiN,
kareyN kuchh aisa to kya kareyN ke wo rok ley apne tthikaaney maiN!

dil patthar ka hoga tumhara par itna bhar jaan liijiye,
ke garm aaNsoo hamaarey isey pighalaa ke raheNgey!.

tumsa nahiiN koi hasiiN merii nigaah meiN,
log bhi kahney lagey hamsa na paarkhii koi.

sab kuchh ley key apna dil dene ki peshkash ki hai,
khatra mol kaun ley kahiiN pyaar se bhara milaa toH.

wo qatil haiN agar aalaa ham bhi marney meiN maahir haiN, utthaayeN jo haath meiN khanjar ham bhi zinda haazir haiN.

fasaana agar dil ka hai toH aap khud kyoN kahiye,
dil ko kahne dijiye kyoN zabaaN se nazar se kahiye.

deewaroN se ghirey baitthey ho tum tak aayeN toh kaisey,
gir jaayeN ye deewaareyN to dil ki kaheyN mil ke baitthey!

muhabbat meiN ham bhi ban gaye muqaabil shanshaah ke,
usney taj banayaa yaad meiN hamney sar jukhaayaa hai.

jisey hamsey hua hai pyaar bepanaah kaash ye jaanta hota,
ki ham tu lut hi jaayeNgey nazar bhar dekhey jo pyaar se koi!

dil meiN bhar gayii aaNkhoN se tapakati hai, .
#sharaab jaisi cheez kya kabhi kisi ko pachati hai!

jo hamko bura bhalaa kahiye toH zara naap taul ke kahiye,
ke jitney bure haiN ham huzoor kam se kam utna to kahiye.

jo battayen raaz un aaNkhoN ke husn ko kya kahiye,
wo toH parda rahtey parda hataa diya karti haiN!

naam ko na orhana bicchaana hai gumnaami mera tthikaana hai,
jidhar chahuNga chala jaauNga kya duniya se leyna-deyna hai!

dil ki fikr kii jaaye yehi achcha hoga,
aaNsu to bahaye bhi jaa saktey haiN,
kisi ke zer e zulm ye bechaara dil mera,
hamesha baDDi mushil meiN raha karta hai!

yaqiiN sab pe kiya yuuN barbaad hameyN hona tha,
bad-kismatii aisi ke koi bhi khara na utraa,
na hi tumhari nazar meiN koi namuraad banda aisa hoga,
jo ke apni barbaadi pe khud hi haNsta hoga.

bichharh jaana to kismat teri yaad hai meri zindagi,
guzaar deNgey haNstey rotey jo bhi hai bachi khuchi.

toofaanoN ke mizaz ko samajh lena chahiye,
guzar jaata hai to mahol tham sa jaata hai.

mil jaao to tera gham jo na milo to tera gham,
lagta hai tera gham hi mujhey zinda rakhey hai.

ye maskhari hai aapki ya itney khafaa hamsey hue,
ke bewafaai ka shaq hua ghairoN pe nazar rakhaney lagey!

na tthukaraana thi muhabbat na bhuulney ki zaroorat,
na tumsey chhuti duniya aur na ham hi chhorh paaye!

jo aalam e bekhudi haasil ho jaaye piiney ki phir kyoN himaaqat kii jaaye,
magar dekhnaey bhar jisey ye aalam ho haasil uski kyoN na ibaadat kii jaaye!

lo chaley aaye mai-kade meiN terey isey phir aabaad kiya,
khum O saagar se kah do wo koi aur tha jisey barbaad kiya!

‘kayar’
13/06/2013

Likhte rahe junooN ki hikaayaat-e-khooNchakaaN=Har chand ismeN haath hamaare qalam huwe. #Ghaib

2 thoughts on “kya duniya se leynaa-deynaa hai…

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s