aas paas lagtey haiN…

jafa karo jo razana ahsaas kabhi ye bhi karna,
roz ki aisi harqat se kya na chaak kaleja howaiga!

duniya hua karey bewafaa kya matlab hameyN is baat sey,
ye to bataao tum kyoN kasauti pe na khare utarey kabhi!

har khata gunaah nahiiN hoti har khata ki saza nahiiN hoti,
jo jee meiN aaye kijiye hui dilkash adaa toH saza nahiiN hoti!

saza ke musthaq they ham sazaa munsif ne par dii nahiiN,
ye mujrim se pyaar ka suboot hai bas ilzaam koi galat nahiiN!

aainaa toH yehi bataata hai baar baar hameyN,
ke itna khoobsuurat chehra kisi aur ka nahiiN!

taalaab sukha hai toH kya na baarish hui hogi kabhi,
marney se pahle kya khwaab sii na zindagi hogi kabhi!

hamney toH kar lii thi taubaa unhoney kii nahiiN,
wo toH phoolteyey phalatey rahey be-samar hue hamiiN!

roti kapda O’ makaan se sab aagey barhh gaye,
sar se topi utar gayii laptop gaudi chharhh gaye!

apne gham pe rote haiN sab hansi mujhe aati hai magar,
gham jisney diya wo roya nahiiN aur tum ro paDDo to kya hua!

ham to baha ke ashqoN ko ibaarateyN likha kartey hain,
haal e dil dard e jigar hamsey chhipaaya nahiin jaata.

maaNgatey haiN rab se dua ke tum jeetey rahiyo,
tumheyN hi dekh kar aakhir jee rahey haiN ham bhi.

deewaaney kyuN hosh meiN aatey nahiiN haiN,
lagta hai koi phir se begaana ho gaya hoga!

aap sotey they meri tasweer ko lagaaye siney se,
maiN aayaa to tha mayos dabey paaNv chalaa gayaa.

ham ho gaye bemaani jinkey liye , unki manmaani ka kya shiqwaa kariye,
kya rakhiye phir umeed koi unsey, kyoN tarhhap ke unheyN pukaara kariye!

jis khel meiN haar jaayeN to bhi jeet hoti hai,
usmeiN daaNv par sab kucch kyoN na lagaaya jaaye,
ghamoN ka dhher hai khushiyoN ki umeedeyN tammam,
itna bada zakheera paas hai kisi kaam to laya jaaye!

aiye raqeeboN kalaai unki na pakarhana kamjor baDDi hai,
holey sey paas kheeNch lenaa aur kalejey se lagaa lenaa.

achcha hai ulfat hoti hai phir nahiin hoti,
warna toH ye bhi qaid meiN shumaar hoti!

ye dil tujhe dena zaroori hai baDDa ajab mizaaj hai is kambakht ka,
mera ho ke tujhe talaashey hai tera kar duuN mujhe talaashey shayad!

socha ke #muhabbat paida kar leyN,
par ye toH tabhi hoti hai jab hoti hai.

justju mohabat ki bhi aur talaash ik tthikaaney ki kahiiN,
shauk e parwaaz meiN tum bhool gaye mere dil meiN kya nahi!

jo teri bandagi hoti rahey har haal meiN aiy khuda,
to sazaa e zindagi e badhaal bhi manzuur hameyN!

ley ke dil baitthey haiN zamiiN pe kab se ham,
parwaaz kar key lautiye to aapki nazar karuuN!

kyoN na hua hamaara jisey chaahtey they hum,
khud ko kho key dekha to wo gair kabhi nahi tha!

jo kuchh nahiiN lagtey aur sab kuchh lagtey haiN,
wo rukh bhi palateyN to bhi apne sey lagtey haiN,
kisko kaheyN haal.deewaangi ka apni duniya walo,
wo toH na paas hoN toH bhi aas paas lagtey haiN.

itni rasme itney riwaaz itna baNdhaa baNdhaa samaaj,
ho jaaye mohabbat to bhi kya hai kaamyaabi bani sawaal!

‘kayar’
03/06/2013

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s