wo bhi apna rukh moDD chali…

ghazal kah ke hamney dil ko apney halka kiya,
gungunaa kar unhoney phir wazan chauguna kiya!

garaz nahiiN hai ke raheyN jaa key diljaloN ke makaan meiN ham,
hazaar darza ye achcha ke dafn hoN dilwaaloN ke qabrstaan meiN ham.

wo jo aaye nahiiN paas abhi tak merey,
tasawwur meiN hai tasweer mitaai nahiiN jaati.

sabko wafaadaari chaahiye wo bhi khareedi hui,
magar jo bikti rahey wo kaisi wafaadaari hui.

bura waqt kabhi muhabbat karneywaloN ka nahiiN aataa,
bhaley imtihaan dene paDDeyN par ye to judaagaana hai baat!


dil jeet liya hai jisney apna aur duusroN ka bhi,
wo to sabaab apne dono haath meiN ley jaayega.

kitaab dil ki parhatey they duniya peechhey chhorhh chalii,
ik umeed rahii jis ke jaanib se wo bhi rukh apna moDD chalii!

samajhtey they ke ham bhi shoraa meiN shumaar hoNgey kabhi,
ustaadoN ko parhh ke jaanaa kya ham haiN aur shairi kya cheez hai.

khata hai duniyawaaloN ki ke kuchh ko apna maanatey haiN,
par na ho nazar meiN aeib jinkey wo sabko apna jaantey haiN!

kitney sawaal they jawaab maangtey they jo,
tum saamney aaye kiya salaam chaley gaye.

teri zaroorat pe jo aayegaa usko koi bulaata nahiiN,
aur sab khud ki zaroorat ho tabhi naachatey haiN log!

lazzat e gham barhaaney ko kahaa tha,
aapney sabz bagh dikha ke chhorhh diyaa.

tamaasha samajh ke dekhaney aashiq ko na jaaiyo,
aksar log khud bankey tamaashaa laut aatey haiN.

pahle taweer banaatey haiN phir chuum chuum so jaatey haiN,
muhabbat meiN jo phaNs jaatey haiN kitney pagal ho jaatey haiN!

‘kayar’
02/06/2013

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s