gham bhulatey to achcha hota,
dard jhel jaatey to achcha hota,
dil e beemaar faut ho jaataa,
na liye phirtey sang achcha hota.
****
kuchh ka joban sadaa-bahaar hota hai,
inki aankhoN meiN kkhumaar hota hai,
inko dekh dekh hamto kya cheez haiN,
har jawaaN buurhaa beqaraar hota hai.
****
chiraag bhi kamaal hai patthar nahiin jalataa,
naazuk sii kisi cheez ko chhorh nahiiN paataa.
****
sar jhukaa kar sotey rahey raat bhar ham,
utthaney ke baad unke sajda na rah jaaye.
****
sar phirey ke paas bhi ek sar to hota hai,
dar lagtaa hai unse jinpe asar nahiiN hota.
****
ibrat se itna na ghabrana chahiye,
tajarba tu bar bar dohrana chahiye,
ehtiyaat bas itna baratna chahiye,
shaam pade ghar laut aana chahiye.
****
na peeke zeher marna hai na muhabbat ka iraada hai,
bas ik teer-e-nazar phenko mar jaaney ka iraada hai.
****
dil-e-natawaaN se puchho ishq se darta kyuN hai,
‘gar dast-o-baaNh se hota tu tera naam kyuN hota.
‘kayar’
kavi na houn nahi bachan praveenu 